پوښتنه :د
لوڼو د ودولو شرايط
نغمه
: زۀ شرايط نه
ورته لرم خو ښه سړى بايد وي او د دوى ژوند بايد ښه وي .
تعليم حتمي دى .
پوښتنه :
نغمه ٢٥ کلنه ده .
نغمه : ها ها
ها ( خاندي ) په امريکا کې مې سودا کوله ، منگل راته وويل
سيگريټ هم راوړه ، ما چې سيگريټ اخيست نو دوکاندارې راته
ويل چې عمر دې کم دى سيگريټ نه درکوو
.
پوښتنه : په
مخکينيو ځوابونو کې نغمې وويل چې اوسنى ملي سرود په دې نه
وايي چې ملي نه دى ولې ملي نه دى ؟
نغمه : که
هغه شعر ولولئ نو بيلا بيل قومونه پکې ياد شوي دي ، زما په
گومان دا د ټولوافغانانو وطن دى بايد يوازې افغان پکې ياد
شي ، ملي سرود بايد د وطنوالو احساسات وپاروي خو دې سرود
زما احساسات ونه پارول او د بې اتفاقۍ نخښه پکې راته ښکاره
شوه .
حميد وردگ
لندن
پوښتنه : له
منگل سره دې وادۀ د مينې وادۀ و که دوديز وادۀ
؟
نغمه :
هنرمندان تل په مينه وادۀ کوي . هنرمندان مينه ناک
وي .
امين الله
وردگ فينلنډ
پوښتنه :
گنگوسې دي چې دوه کاله وړاندې په پټه افغانستان ته راغلې
وې دا رښتيا ده ؟
نغمه : هو دا
رښتيا دي .
روح الله
حبيبي بغلان
پوښتنه : که
مو څوک له لور سره وادۀ وغواړي څه شرايط بايد پوره کړي
.؟
نغمه : زۀ
شرايط نه ورته لرم خو ښه سړى بايد وي او د دوى ژوند بايد
ښه وي . تعليم حتمي دى .
مبشر پښتون
ملبورن استراليا
پوښتنه :
استراليا ته ولې نه راځې دلته دې مينه وال خورا ډير دي
؟
نغمه :
استراليا ته نه يم تللې خو نيت لرم
.
اجمل ځاځى
پېښور
پوښتنه : د
پکتيا خلک دې خوښيږي ؟
نغمه : زما د
افغانستان ټول خلک خوښ دي . د پکتيا پښتانۀ بيا ډير ښه
راته ښکاري .
نور سلام
سهاک لندن
پوښتنه : يو
وخت دې په لندن کې کانسرت و له دوو سندرو وروسته کانسرت
ختم شو ، موږ پوى نه شو تاسو يې علت راته ويلى شئ
؟
نغمه : ځينو
کسانو ويلي وو چې بم دى خو هيڅ نه و خو پوليسو د احتياط له
امله کانسرت بند کړ
.
نصير احمدي
ويانا اتريش
پوښتنه :
بايد غزل هم ووايې ، ولې يې نه وايې ؟
نغمه : ما
ډير ويلي خو تاسو به نه وي اوريدلي
.
سيدال مايار
نيو جرسي امريکا
پوښتنه : ولې
دري سندرې هم د پښتو غوندې ښه نه وايې ؟
نغمه : هڅه
کوم خو مورنۍ ژبه مې پښتو ده
.
محمد يار
سعيدي دوبۍ ، تاج انور اعجاز خټک دوبۍ ، شيرشاه خاوري
اوسلو ناروې
پوښتنه :
دوبۍ ته ولې نه راځئ ؟ ناروې ته کله راځئ
؟
نغمه : دوبۍ
ته تل ځم او پروگرامونه هم لرم او ناروې ته يو ځل تللې يم
کانسرت مې درلود .
مسيح الله
نصرت روتردام هالند
پوښتنه : ولې
په افغانستان کې نه پسې پاتې کيږې ؟
نغمه : که
شرايط سم شي ولې نه . اوس مې اولادونه لا واړۀ دي سبق
وايي .
امير محمد
امين لوگر
پوښتنه : که
افغانستان کې بيا ژوند پيل کړې نو په کابل کې به وې که په
کندهار کې ؟
نغمه : ما ته
ټول افغانستان يو دى . خو شايد په کابل کې به
يم .
نور ځلاند
خوست
پوښتنه : کوم
رنگ دې خوښ دى او کوم رنگ چاى دې خوښيږي
.؟
نغمه : ټول
رنگونه راته ښه ايسي خو تور رنگ او تور جيگري رنگ مې په
جامو کې خوښ وي . شنې چاى څښم او ډيرې يې څښم .
ولي کامران
هلمند
پوښتنه :
انگريزي دې په امريکا کې نه ده زده کړې
.؟
نغمه : يو څه
مې زده ده خو ډيره به نه وي . پښتو مو لا چيرې سمه زده کړه
چې لا نورې پاتې وي .
ولي رحمان
سيدزى خوست
پوښتنه : ولې
دې د سندرو په ويلو پيل وکړ ؟
نغمه : مينه
مې ورسره وه .
بينظير
صاحبزۍ مالمو سويډن
پوښتنه : په
ښځينه سندرغاړو کې دې د چا غږ خوښ دى ؟
نغمه : د
ټولو کار ته په درنه سترگه گورم خو په افغانستان کې قمرگله
، ناهيده ، پرستو او ځينې نور .
د چايو په
باب
شنې چاى ډيرې
څښم ډيرې مې خوښې دي
.
نغمه
نظير انگار
سويډن
پوښتنه : د
کورنۍ نور غړي ، مور، خور او وروڼه ، ستا د سندرو په برخه
کې څه وايي ؟
نغمه : اول
ورسره مخالف وو اوس عادي شوي دي
.
لطيفه نوري
لندن
پوښتنه : ستا
د خوښې خواړۀ څه دي ؟
نغمه : ټول د
خداى نعمتونه دي . ډير مې کبان خوښ دي ، کله کله مې زړۀ
وايي چې سمندر ته پسې ټوپ کړم
.
حيات الله
حيات دوبۍ
پوښتنه : کله
به له هنري ژونده تقاعد اخلې ؟
نغمه : چې
کله زړۀ شم .
عطا الرحمن
پېښور
پوښتنه : د
پاکستان په سندرغاړو کې دې څوک خوښ دي ؟
نغمه : خيال
محمد او شکيله ناز
.
اصيل گا
توتاخيل پېښور
پوښتنه : د
ژوند يو ارمان مې ستا مخامخ ليدل دي ايا دا ممکن دي
؟
نغمه : ولې
نه . دا خو ناچيز ارمان دى خداى به يې پوره کړي خو که زۀ
ژوندۍ وم .
اوږۍ رڼا
ډنمارک
پوښتنه : د
مارچ د ٨ نېټې مبارکي درکوم چې د ښځو نړيواله ورځ
ده .
نغمه : مننه
. د ښځو مقام خورا لوړ دى د نړۍ ټول پوى خلک د مور په غيږ
کې لوى شوي ، خداى پاک ښځې د مينې لپاره راليږي . ښځه هغه
ذات ده چې په يوۀ لاس کې زانگو او په بل نړۍ
زنگوي .
شفيق توتاخيل
ميشيگن امريکا
پوښتنه : د
چا شعرونه ډير کاروې ؟
نغمه : بيلا
بيل شاعران ، هر شعر چې مې خوښ شي .
د خوښې
خواړۀ
کبان مې ډير
وښ دي وايم سمندر ته پسې ټوپ کړم
.
حسن دلدار
پېښور
پوښتنه : ايا
دا منې چې ستا تر غږ ستا د ښکلا مينه وال ډير دي
؟
نغمه : قضاو
ت ستاسو دى .
مارينا اريا
کندز
پوښتنه : په
څو کلنۍ کې دې لومړنۍ سندره وويله ؟
نغمه : ١٧
کلنه وم .
ارمان خان
لندن
پوښتنه : د
افغانستان په باب ستا نظر څه دى فکر کوئ چې هر څه به عادي
شي ؟
نغمه : تر څو
چې ټوپکماران وي او جنگونه وي ژر به حالات عادي نه
شي .
سميع الله
خان اتمانزى ، وحيد الله کوټه
پوښتنه : په
قام څوک يې ؟
نغمه : سيده
يم .
وحيد حضرت
ننگرهار
پوښتنه : د
استاد منور په باب ستا نظر څه دى ؟
نغمه : استاد
منور ډير ښه هنرمند و خو له بده مرغه د پېښور په کوڅو کې
په حق ورسيد . زما يې غږ خوښ وو .
اصف هزاربوز
پېښور
پوښتنه :
نغمې ته څه پخولى شې ؟
نغمه : زۀ هر
څه ښه پخوم ځکه چې د کور ميرمنه يم . وريجې ښې پخوم او
کبان او ښوروا ښه پخوم .
زابلى
احمد
کندهار
پوښتنه :
اولادونه دې سبق وايي ؟
نغمه :
هو .
عبدالله
عارفي ، کراچۍ
پوښتنه : ولې
په کندهارۍ لهجه سندرې نه وايې ؟
نغمه : پښتو
ټوله يوه ده .
ساجد خليق
بنو ، نبي غلام جرمني
پوښتنه : ستا
لور مو وليده چې په خيبر تلويزيون کې يې د (( زما اشنا
راځي )) سندره وويله ، ايا دا غواړي چې مسلکي سندرې ووايي
؟
نغمه : يه
درواغ دي تاسو بل څوک ليدلي دي .
فيض الله جان
کوټه ، ظهير کابل
پوښتنه : زما
په گومان ته ٤٢ کلنه يې . که عمر دې هر څه وي ښکلې
يې .
نغمه : د
پوښتنې وروستۍ برخه ښه ده او اوله برخه مو لا سمه نه ده ،
اصلي عمر تاسو پيدا کړئ
.
اسرار محمد
کابل
پوښتنه : په
امريکا کې څه کوې ، کوم کار لرې ، که هو څه کار دى
؟
نغمه :
امريکا کې کار نه کوم ، په هنر او د کور په کار بوخته
يم .
ليلما ناصري
کابل
پوښتنه :
خوښه شوم چې له منگله نه يې جلا شوې ، ته وايې چې وروستۍ
سندرې دې نه دې خوښې چې نه دي دې خوښې ولې دې ويلې ؟ تاسو
د بازار اړتيا يادوئ خو گومان کوم چې تاسو نور دغه ډول
اړتياو ته بايد پام ونه کړئ
.
نغمه : د
بازار اړتيا د خلکو ده نو يو څه بايد د خلکو ذوق ته پام
وکړو .
اعماد بېنوا
دوبۍ
پوښتنه : له
منگله پرته بل چا هم کله درسره د وادۀ کولو هيله ښوولې ده
؟
نغمه : تر
وادۀ مخته خو ډيرو خلکو دا غوښتنه کړې وه . متل دى سل يې
گوري يو يې غواړي .
سمسور مندوزى
خوست ، عبدالله دانش پېښور
پوښتنه : د
ماشومانو نومونه دې څه دي ؟
نغمه : لېمه
، مدينه ، انور او خيبر
.
واصل الله
يار خوست ، عزت الله تڼى خوست
پوښتنه : له
نورو سندر غاړو سره ولې سندرې نه وايې ؟ او ولې له منگل
سره اوس سندرې نه ريکارډوې ؟
نغمه : له
نورو سندر غاړو سره د سندرو نه ويل خپل علت لري چې دلته يې
يادول نه غواړم ، او د منگل غږ خپله ښکلى دى ځکه وايم اوس
به سندرې يوازې وايم .
نور احمد
امين کندهار
پوښتنه : که
افغانستان ته راغلې کندهار ته به هم راشې چې کانسرت راکړې
؟
نغمه : ولې
نه ، که مې څوک وغواړي نو نه يوازې کندهار بلکې د هيواد
ټولو ولايتونو ته ځم .
هيبت الله
ممبۍ هند ، سميع سلطاني ډنمارک
پوښتنه : په
هند او ډنمارک کې کانسرتونو ته چمتو يې
؟
نغمه : هو
ولې نه .
د منگل غږ
خپله ښکلى دى ځکه وايم اوس به سندرې يوازې
وايم .
نغمه
طاهر هاشمي
لندن ، عتيق الله رحمتي سويډن
پوښتنه : په
امريکا کې تنهايي نه احساسوې ؟ تاسو بله خور هم لرئ که هو
چيرې ده ؟
نغمه : ډير
زيات ، زړۀ مې وچاود ، هو بله خور لرم هغه هم په امريکا کې
ده .
عزيز الله
خوستى فينلنډ
پوښتنه : ستا
شعرونه چې لولم داسې راته ښکاري چې په ژوند کې يو چا ډيره
ځورولې يې ايا دا رښتيا دي ؟
نغمه : ژوند
له ځوريدليو سره تړلى وي خو دا چې چا ځورولې يم دا نه
وايم .
مرزا علي خان
ځدراڼ او ذبيح اله طوطاخيل مسکو
پوښتنه :
لومړنۍ سندره دې کومه يوه وه ؟
نغمه : زما
خپل شعر و ، سوځم په غمو کې په چلند د
زمانې
وځې مې له
خولې ستا د مينې ترانې
سميع ساکزى
هالند
پوښتنه :
اوريدلې مي دي چې په امريکا کې دې يو البوم ډک کړى دا کله
خپريږي ؟ بله پوښتنه مې دا ده چې کله دې مرستندوى يا خيريه
کار کړى دى ؟
نغمه : هو
البوم ډک دى شايد لږ وروسته بازار ته وړاندې شي . مرستندوى
کار تل کوم . د ځلوزو کمپ لپاره مې يو کانسرت څو کاله
وړاندې ورکړى و ، بل هم د کونډو او ماشومانو لپاره
و .
رحيم لوگرى
کابل
پوښتنه :
اوريدلې مې دي چې ستا مشرۍ لور د بابرزي له زوى سره وادۀ
کړى دى دا رښتيا دي ؟
نغمه : د
بابر زي زوى پنځه کلن دى . که مې بله لور پيدا شوه بيا به
يې گورو .
د ځوابونو
لومړۍ برخه
شمس شفق
خوست
پوښتنه :
ريښتينى نوم دې څه دى ؟
نغمه :
ښاپيرۍ
احمد سعيد
عاطفي ، کندهار او حاجي اپريدى سروري ،
پکتيا
پوښتنه :له
کله چې پاکستان ته تللې يې موسيقي دې بدله شوې ده علت يې
څه دى ؟
نغمه : واضح
خبره ده په افغانستان کې چې کوم موسيقي غږوونکي و هغوى
نشته او بله دا چې د نورو هيوادونو اغيز هم وي . د بازار
اړتيا هم ده خو دا زما ذوق نه دى اړتيا ده .
له منگله نه
يم جلا شوې .
نغمه
نواب ، گرديز
، امان عرفان کندهار ، علاالدين گران چمن ، عبدالمالک سپين
بولدک ، ډاکټر قاهر نوري کندز ، غفاري کانادا ، سيد شاه
مسعود بلجيم ، جمعه دين اقبالي ناروې ، ، جمال توتاخيل
گرديز ، نور حسن سهاک لندن ،
پوښتنه :کله
افغانستان ته راځې ، څو اولادونه لرې او ايا اولادونه دې
هم سندرې وايي که نه ؟
نغمه : نيت
لرم چې ژر افغانستان ته ولاړه شم ، رسمي بلنه راکړل شوې .
څلور اولادونه لرم دوه زامن او دوه لوڼې ، دوى له سندرو
سره مينه لري .
شمشاد گاونډى
هالند
پوښتنه :خپله
ښکلى غږ لرې ولې اولادونه سندرو ته نه پريږدې
؟
نغمه : دا
زما کار نه دى د هغوى خپله خوښه ده .
جبار باجوړى
فينلنډ
پوښتنه :په
څو ژبو خبرې کولى شې ؟ په فينلنډ کې به کانسرت ته چمتو شې
؟
نغمه : په
دوو ژبو خبرې کوم پښتو مې مورنۍ ژبه ده او دري هم وايم .
که هيوادوال مې په فينلنډ کې وي او بلنه راکړي په مينه
ورځم .
ډاکټر ميوند
برمينگهم انگلستان
پوښتنه
:اوريدلي مې دي چې يوه لور دې په يوۀ پاکستاني پوځي
چارواکي واده شوې ده دا رښتيا دي ؟
نغمه : نه دا
درواغ دي .
په ژوند کې
ډيره ځوريدلې يمه ، پوښتنه يې مه کوئ
.
نغمه
صابر خان
احمد زى ناروې ، نور ځلاند نامعلوم ځاى ، احمد مير خيل ،
اسد الله خالد لندن ، قدر گل جرمني ، ذاکر شينوارى اسلام
اباد ، امان احمدزى پېښور ، احمد نيويارک ،محمد اسحق دوبۍ
، حامد وردگ لندن ، جان اڅکزى کلفورنيا ، سيد
مسکو
پوښتنه :په
رښتيا له منگل څخه جلا شوې يې ؟
نغمه : دا هم
درواغ دي .
اجمل وردگ
لندن
په لندن کې
به بيا کله کانسرت ورکوې ؟
نغمه : هر
کله چې مې نصيب وشو .
ستاسو په فکر
به څو کلنه يم تاسو خپله ځواب راکړئ او ښه قضاوت وکړئ بې
انصافي مه کوئ
نغمه
لونگ خان
مخلص ، چمن
پوښتنه :د
افغانستان د ملي سرود ويلو ته چمتو يې ؟
نغمه : د
اوسني ملي سرود ويلو ته نه يم چمتو ، دا سرود چې مې لوستى
دى زما په گومان د يوۀ واحد ملت خبره نه کوي .
زبيح الله
کوټوال ، ننگرهار پوهنتون
پوښتنه :د
خپلو زده کړو په باب راته ووايه چې څه مو لوستي دي
؟
نغمه : زده
کړې مې نيمگړې پاتې دي ، تر ١٢ ټولگې مې سبق ويلى او نورې
زده کړې د شرايطو قرباني شوې .
سمسور حميد ،
سويډن ، عبدالهادي خان کوټه ، لېمه افغان سندياگو
امريکا ،
پوښتنه :څو
کلنه يې ؟
نغمه : ستاسو
په فکر به څو کلنه يم تاسو خپله ځواب راکړئ او ښه قضاوت
وکړئ بې انصافي مه کوئ .
سميع الله
خان روښان چمن ، فهيم ځاځى انگلستان ، پيوستون يوسفي جرمني
، اباسين پکتيانى سويډن
پوښتنه :څو
سندرې لرې ؟ نوې سندرې دې ولې نشته ؟
نغمه : حساب
يې نه دى رامعلوم ، تر زرگونو اوښتي دي ، نوې سندرې مې تير
کال ويلې وې اوس هڅه کوم چې سندرې کمې خو کيفيت يې لوړ
وساتم .
غرغښت ،
دوشنبې تاجکستان
پوښتنه :په
ژوند کې ځوريدلې يې ؟
نغمه : ډير
زيات . پوښتنه يې مه کوئ .
هيبت الله
زرمتى هند ، خالد ملکزى ډنمارک
پوښتنه :په
خپلو سندرو کې دې کومه يوه خوښه ده ؟
نغمه : لکه
کوتره الوتمه تا وليدم که نه ، وخت مازديگر دى ، علت يې دا
دى چې له دې سندرې سره يوه خاطره لرم . چې له افغانستانه
وتلم په هغه شپه مې دا سندره ويله ، په الوتکه کې مې دا
سندره له ځان سره ويله او ژړل مې . وطن مې ارمان
و .
امير علي
افغان کراچۍ
پوښتنه :په
نورو سندر غاړو کې دې څوک خوښ دي ؟
نغمه : ټول
مې خوښ دي او ټولو ته د قدر په سترگه گورم ، په ښځو کې مې
قمر گله او پرستو او په سړو کې خيال محمد ، منگل ، شاولي
او ايوب استاد ، او عبيدالله کندهارى
.
.
